Yanga Princess yaichapa Mlandizi Queens 4-0

Yanga Princess leo imeandikisha ushindi wa pili mfululizo katika ligi kuu ya Wanawake (WPL) ikipata ushindi wa mabao 4-0 dhidi ya Mlandizi Queens

Mabao ya Yanga Princess yalipachikwa na Neema Paul aliyefunga mabao mawili, Aisha Omary na Neema Shau wakifunga bao moja kila mmoja

Yanga Princess sasa imekusanya alama 9 katika mechi 6 ikisogea hadi nafasi ya tatu katika msimamo wa ligi

Simba Queens wanaongoza ligi hiyo wakiwa na alama 15 huku JKT Queens wakishika nafasi ya pili wakiwa na alama 13

JKT Queens itachuana na Simba Queens katika mchezo mwingine wa ligi hiyo utakaopigwa kesho