Kesho Alhamisi kikosi cha Yanga kitasafiri kuelekea Lubumbashi DR Congo tayari kwa mchezo wa ligi ya mabingwa dhidi ya TP Mazembe
Mchezo huo wa raundi ya tatu hatua ya makundi, utapigwa Jumamosi, Disemba 14 saa 10 jioni katika uwanja wa Mazembe
Habari njema ni kuwa katika mchezo huo huenda baadhi ya nyota waaliokosekana katika mechi zilizopita kutokana na majeraha wakarejea
Khalid Aucho, Clement Mzize na Chadrack Boka sasa wameimarika wakishiriki kikamilifu mazoezi ya timu kama ilivyo kwa nahodha msaidizi Dickson Job aliyekuwa akisumbuliwa na maumivu ya goti
Kocha Mkuu wa Yanga Sead Ramovic amesema kurejea kwa wachezaji hao ni muhimu kuelekea mchezo huo wa ugenini ambao wanahitaji ushindi ili kufufua matumaini ya kufuzu robo fainali CAF CL
"Tangu nimefika hawa wachezaji (Boka, Aucho na Mzize) hawakuwa sawa nadhani kwa maendeleo yao tuna nafasi kubwa kuwaona wakicheza mechi ijayo, itakuwa ni kitu kizuri kuona nguvu yao inarudi kuungana na wenzao, pia Job anaweza kuwa tayari pia," alisema Ramovic
Ramovic amesema anaimani na kikosi chake, kupoteza mech mbili za mwanzo hayakuwa matarajio yake sasa wanapaswa kuamka ili kubadilisha mambo
"Tuna timu nzuri bahati mbaya hapa ni kwamba hizi mechi mbili za ligi ya mabingwa tumekosa matokeo mazuri, kila mmoja inamuumiza lakini sasa tunatakiwa kuamka kwa haraka na kubadilisha mambo," alisema Ramovic
