Kiungo fundi wa Yanga Clatous Chama ataukosa mchezo wa ligi kuu dhidi ya Mashujaa Fc ambao utapigwa kesho Alhamisi katika uwanja wa KMC Complex
Chama alipata majeraha ya kiwiko katika mchezo wa ligi ya mabingwa dhidi ya TP Mazembe ambao ulimalizika kwa matokeo ya sare ya bao 1-1
Meneja wa Habari na Mawasiliano wa Yanga Ali Kamwe amethibitisha kuwa Chama atakosekana katika mchezo huo akiuguza jeraha hilo
"Chama alipata jeraha la kiwiko katika mchezo dhidi ya TP Mazembe. Alipoingia tu katika mchezo huo alianguka vibaya na kuumia kiwiko lakini alivumilia akamaliza dakika zote"
"Hivyo yeye atakosekana kutokana na changamoto hiyo inayomkabili," alisema Kamwe
Aidha Kamwe amebainisha kuwa beki Chadrack Boka ameimarika, ana asilimia 50 za kutumika katika mchezo huo kama ilivyo kwa mlinda lango Djigui Diarra ambaye alipata maumivu katika mchezo dhidi ya TP Mazembe na kushinda kumalizia dakika 45 za kipindi cha pili
Aziz Andabwile pia anaendelea kukosekana kama ilivyo kwa beki Ibrahim Bacca anayetumikia adhabu ya kadi nyekundu akikosa mechi tatu
Hii itakuwa mechi ya mwisho kwa Bacca kukosekana kwani atakuwa amemaliza adhabu yake
