Kiungo mshambuliaji wa Yanga Denis Nkane amesema wachezaji wanatambua ugumu wa mchezo wa ligi kuu dhidi ya Mashujaa Fc ambao utapigwa uwanja wa KMC Complex hapo kesho lakini watahakikisha wanaibuka na ushindi
Akizungumza kwa niaba ya wachezaji wenzake kuelekea mchezo huo, Nkane amewataka mashabiki wa Yanga wajitokeze kwa wingi dimba la KMC Complex kushuhudia mchezo huo huku akiahidi ushindi
"Sisi wachezaji tunafahamu Mashujaa ni aina ya timu ambayo imekuwa na matokeo mazuri katika uwanja wao wa nyumbani na hata ugenini"
"Hivyo tunafahamu tunakwenda kukutana na mchezo mgumu, lakini alama tatu kwetu ni muhimu. Tumeshajiandaa kwa namna yoyote watakavyokuja"
"Tunawaomba mashabiki wetu waje kwa wingi uwanja wa KMC Complex kutuunga mkono katika kuipigania nembo ya klabu yetu,"alisema Nkane
Kesho Yanga ni kama itakuwa inazindua uwanja wa KMC Complex kwani itakuwa mara ya kwanza kwa mabingwa hao wa nchi kucheza katika uwanja huo baada ya kuhama Azam Complex
