Kocha Mkuu wa Yanga Sead Ramovic amesema amepata muda wa kutosha kukiandaa kikosi chake kuelekea mchezo wa ligi kuu dhidi ya Fountain Gate utakaopigwa Jumapili Disemba 29
Akizungumza katika Mkutano na wanahabari, Ramovic amesema amewasoma Fountain Gate na kukiandaa kikosi chake kwa kuzingatia aina yao ya uchezaji kwani anatambua kila mchezo unahitaji mbinu tofauti
"Tumepata Muda mzuri wa kujiandaa na tayari tumewasoma Wapinzani wetu, Kiukweli ni Wapinzani Wagumu lakini kwa ukubwa wa timu hii pamoja na maandalizi yetu, tupo tayari kujitoa kwa asilimia mia moja ili kukusanya alama tatu"
"Kila Mchezo huja na Maandalizi tofauti, kwakuwa malengo yetu kesho ni kushinda basi tumejiandaa kucheza mchezo mzuri na kutengeneza nafasi za kutupa Alama tatu"
"Hatutatazama kabisa matokeo ya mechi zilizopita, za kwetu pamoja na za kwao, Sisi tunautazama mchezo huu kwa umakini mno, niwaombe Wananchi waje kutusapoti siku ya kesho kwasababu tunawahitaji sana," alisema Ramovic
Yanga iliibuka na ushindi wa mabao 4-0 katika mechi mbili zilizopita dhidi ya Tanzania Prisons na Dodoma Jiji
Ramovic ameiongoza Yanga katika mechi nne za ligi na kushinda zote. Alianza na dozi ya mabao 2-0 dhidi ya Namungo Fc kisha dozi hiyo kuongezeka katika mechi zilizofuata
