Jumamosi, Januari 25 Yanga inaanza kampeni ya kutetea kombe la Shirikisho la CRDB kwa kumenyana na Copco Fc katika mchezo wa raundi ya pili utakaopigwa uwanja wa KMC Complex
Yanga ilirejea mazoezini jana kujiandaa na mchezo huo ambapo huenda kocha Sead Ramovic akatumia kikosi tofauti na kile kilichozoeleka akiwapa mapumziko wachezaji waliotumika zaidi
Lakini pia itakuwa nafasi kwa mashabiki wa Yanga kuwashuhudia nyota wapya waliosajiliwa dirisha dogo Israel Mwenda na Jonathan Ikangalombo
Tangu usajili wao ukamilike, Mwenda na Ikangalombo bado hawajaonekana katika mechi rasmi ya Yanga
Licha ya kusajili kutumika katika ligi ya mabingwa, Mwenda hakupata nafasi katika mchezo dhidi ya MC Alger ambao ulikuwa mchezo wa mwisho kwa Yanga katika michuano hiyo msimu huu kwani Wananchi waliaga mashindano baada ya kulazimishwa suluhu ya bila kufungana
Ikangalombo hakuwa na sifa ya kuichezea Yanga katika mashindano ya CAF msimu huu kwani tayari alikuwa ameitumikia AS Vita katika hatua za awali
Bila shaka Ikangalombo yuko tayari kuonyesha thamani yake na kudhihirisha ubora baada ya usajili wake kuzungumzzwa zaidi katika dirisha dogo
