Baada ya kufuzu hatua ya 32 bora kombe la Shirikisho la CRDB, kikosi cha Yanga kimerejea mazoezini kwa ajili ya maandalizi ya mchezo wa ligi kuu unaofuata dhidi ya Kagera Sugar
Jumamosi Februari 1, Yanga itashuka dimba la KMC Complex kuikabili Kagera Sugar katika mechi ya kwanza ya duru ya pili kwa Yanga ambayo ni raundi ya 16
Kocha Mkuu wa Yanga Sead Ramovic ameweka wazi kuwa mataji mawili ambayo Yanga inayashikilia, hayapaswi kuondoka Jangwani
Yanga ni mabingwa watetezi wa mataji ya Ligi Kuu na FA kwa misimu mitatu mfululizo, mkakati ni kutwaa mataji hayo kwa mara ya nne
Yanga ikiwa imeondoshwa katika michuano ya ligi ya mabingwa, hakuna kingine ambacho wachezaji wanafikiria zaidi ya kutetea mataji hayo
Kazi inaanza rasmi Jumamosi, dimba la KMC Complex Yanga ikikabiliwa na mechi ngumu dhidi ya Kagera Sugar
Katika mechi za duru ya pili Yanga haipaswi kufanya makosa, vita ya ubingwa kati yake na watani zao Simba itakuwa kubwa
Ukifanya tathmini ya ushindani uliojitokeza katika duru ya kwanza, utaona ni kwa kiasi gani duru ya pili umakini utahitajika zaidi
Ramovic amepata muda wa kutosha kukiandaa kikosi chake kwa ajili ya 'vita' hiyo ya duru ya pili
Yanga inahitaji KUSHINDA kila mechi ili kuwa na uhakika wa kutetea ubingwa wake
