Jinamizi la kukosa mikwaju ya penati bado linamuandama kiungo mshambuliaji wa Yanga Stephane Aziz Ki
Ndivyo unavyoweza kusema baada ya jana nyota huyo kukosa mkwaju mwingine katika mchezo dhidi ya Kagera Sugar
Ni penati ya pili kukosa msimu huu kwenye ligi akiwa amefunga penati mbili tu katika penati 5 za mwisho alizopiga
Wanasema kukosa mkwaju wa penati kwa mchezaji ni sehemu ya mchezo lakini ni wazi takwimu zinaonyesha Aziz Ki anapaswa kuboresha umahiri wake katika kupiga 'matuta'
Hii ni changamoto ambayo inawakuta wachezaji wengi mahiri. Lionel Messi amewahi kukiri hadharani yeye sio mpiga penati mzuri, lakini huyu ndiye mchezaji bora zaidi aliyeshinda tuzo nyingi za Ballon d'Or
Licha ya kukosa mkwaju wa penati, Aziz Ki alikuwa na kiwango bora akitoa assist 1 katika ushindi wa mabao 4-0 ambao Yanga waliupata dhidi ya Kagera Sugar
Aziz Ki sasa amefikisha assist 5 msimu huu akiwa pia amefunga mabao mawili
