Kocha Mkuu wa Yanga Miloud Hamdi anakiandaa kikosi chake kuelekea mchezo wa ligi kuu dhidi ya JKT Tanzania ambao utapigwa Jumatatu, Februari 10
Katika mahojiano maalum na Yanga Media, Hamdi aliweka wazi kuwa yeye ni muumini wa soka la kushambulia na kufunga mabao mengi
Amesema kwake yeye ni bora ashinda 5-4, 4-3 au matokeo mengine yanayohusha mabao kuliko kutoka 0-0
Kocha huyo mwenye uraia pacha wa nchi za Algeria na Ufaransa amesema anaifahamu Yanga kwa muda mrefu kutokana na ushiriki katika mashindano ya CAF hivyo anaamini ametua katika timu sahihi yenye malengo ya makubwa
"Naifahamu Yanga kwakuwa mara nyingi wanacheza Ligi ya Mabingwa Afrika na pia wameshinda makombe mengi. Unafahamu mimi ni kocha niliyefundisha sana michuano ya Afrika hivyo nimeiona sana Yanga kwenye michuano ya Klabu bingwa"
"Falsafa yangu ni soka la kushambulia tu, baadhi ya watu wanahisi nina kichaa kwa sababu napenda muda wote kwenda kushambulia, mpira ni kufunga sio kuzuia"
"Niko tayari timu yangu ishinde 4-3, 5-4.. kwangu ni bora koliko kusare 0-0 au 1-1," alisema
