Ijumaa Februari 14 Yanga inarudi tena uwanja wa nyumbani KMC Complex kumenyana na wenyeji wao KMC katika mwendelezo wa ligi kuu ya NBC
Unaweza kusema ni dabi ndogo itapigwa pale Manispaa ya Kinondoni kwani inazikutanisha timu mbili za jijini Dar es salaam ambazo zinatumia dimba la KMC Complex kama uwanja wao wa nyumbani
Itakuwa mechi ngumu, KMC haijawahi kuwa na unyonge napokutana na Yanga licha ya kuwa msimu uliopita ilikumbana na vpigo vikubwa mbele ya Wananchi
Timu hizo zilipokutana katika mechi ya duru ya kwanza, Yanga iliibuka na ushindi wa bao 1-0, Maxi Nzengeli akifunga bao pekee la ushindi katika mchezo uliopigwa dimba la Azam Complex
Kwa Yanga hii ni mechi ambayo alama tatu ni matokeo ya lazima ili kurejea kileleni mwa msimamo wa ligi
Kwa jinsi ushindani ulivyo msimu huu, Yanga haina nafasi ya kudondosha alama zaidi ili kutetea ubingwa wake
Katika msimu huu mpaka sasa Yanga imepoteza alama 8 baada ya mechi 18 wakati msimu uliopita Yanga ilipoteza alama 10 katika mechi 30
Kocha Mkuu wa Yanga Miloud Hamdi atahitaji kushinda mchezo huo ili kutuliza presha ya mashabiki ambao wengi hawakufurahishwa na kiwango kiwango kilichoonyeshwa na timu yao katika mchezo dhidi ya JKT Tanzania uliomalizika kwa suluhu ya bila kufungana
