Kocha Mkuu wa Yanga Miloud Hamdi amesema watapambana hadi mechi ya mwisho kuhakikisha wanatwaa ubingwa wa ligi kuu ya NBC kwa msimu wa nne mfululizo
Baada ya kulazimishwa suluhu ya bila kufungana dhidi ya JKT Tanzania juzi, kikosi cha Yanga leo kinarejea mazoezini kwa ajili ya maandalizi ya mchezo unaofuata dhidi ya KMC ambao utapigwa Ijumaa
Hamdi amesema jukumu lake lililomleta Yanga ni kushinda makombe hivyo ana wajibu wa kuwaongoza mabingwa hao watetezi NBC PL kutetea mataji yao wanayoyashikilia kwa misimu mitatu mfululizo
"Bado tuna mechi nyingi za kucheza msimu huu, lakini nisema tu kama timu tuko tayari kupambana ili kushinda ubingwa"
"Tutafanya kila lililondani ya uwezo wetu ili kutetea ubingwa, tutambana kila mechi kutimiza malengo yetu"
"Tuna mashabiki wa kipekee ambao muda wote wanatusukuma kupata matokeo mazuri, hili ni jambo jema na tunawaomba waendelee kutuunga mkono katika mechi hizi zilizobaki"
"Ahadi yetu kwao ni kuendelea kupambana kwa ajili ya kuwapa furaha," alisema Hamdi
