Yanga, GSM, CCBRT kushirikiana kutibu watoto wenye mguu kifundo

Taasisi ya GSM kwa kushirikiana na Yanga , wameungana na Hospitali ya CCBRT wakiingia makubaliano maalumu ya kutibu watoto 400 ambao wamezaliwa na changamoto ya miguu kifundo inayowapelekea kushindwa kutembea

Akizungumza katika hafla ya kusainiwa makubaliano hayo jijini Dar es salaam mapema leo, Mkurugenzi wa GSM Foundation, Faith Gugu alisema mazungumzo juu ya ushirikiano huo yalianza mwaka jana

"Sisi kama GSM Foundation tunapenda kuwashukuru wadau wetu wakubwa CCBRT kwani tumekuwa na mahusiano mazuri sana"

"Tumeanza mazungumzo tokea mwaka jana ambapo walileta maombi kwetu kuchangia gharama za matibabu ya watoto wenye mguu kifundo"

"Hivyo kwa kushirikiana na Yanga tukaamua kuchangisha fedha" alisema Gugu