Vijana wa Yanga kuivaa Prisons Jumamosi

Jumamosi, Julai 29, 2017 vijana wa Yanga watashuka dimbani mkoani Mbeya kuumana na kaka zao Tanzania Prisons katika mchezo wa fainali katika michuano ya hisani maalumu kwa ajili ya kuchangia mfuko wa udhamini wa ukimwi.

Yanga B ilitinga fainali baada ya kuilaza Mbeya City mabao 3-0 katika mchezo uliopigwa jana Alhamisi.

Leo watani zao Simba wameondoshwa katika michuano hiyo na Tanzania Prisons kwa matuta 8 -7 kufuatia sare ya 1 - 1 katika dakika 90.