Ukiangalia takwimu za misimu mitatu iliyopita, kiungo mshambuliaji Stephane Aziz Ki ndie mchezaji aliyehusika katika mabao mengi katika kikosi cha Yanga
Katika mechi 102 alizoitumikia Yanga kwenye mashindano yote tangu alipotua kwa Wananchi 2022/23, Aziz Ki amehusika katika mabao 69 akifunga mabao 48 na kutoa pasi 21 za mabao
Hizi ni takwimu za juu sana kwa mchezaji anayecheza nafasi yake ya kiungo mshambuliaji
Mwamba huyo kutoka Burkina Faso anahitaji kufunga mabao mawili ili kufikisha idadi ya nusu karne ya mabao yaani mabao 50!
Pacome Zouzoua ndiye mchezaji anayefuatia kwa kuhusika kwenye mabao mengi ndani ya misimu miwili akifunga mabao 18 na kutoa assist 15 hivyo kuhusika katika jumla ya mabao 33
Huku Maxi Nzengeli akiwa hayuko mbali pia akihusika katika mabao 29, akifunga mabao 21 na kutoa assist 08
