Baada ya winga Jonathan Ikangalombo kuonyesha uwezo wake ndani ya dakika 66 alizopewa, kocha mkuu wa Yanga Miloud Hamdi amesema nyota huyo ameanza vyema majukumu yake lakini bado atahitaji muda zaidi
Ikangalombo aliyetua Yanga dirisha dogo la msimu huu, amecheza mechi mbili, moja ya ligi dhidi ya Pamba Jiji na alipewa dakika 21 kisha dakika 45 dhidi ya Coastal Union katika Kombe la FA.
Ni wazi, kiwango cha winga huyo taratibu kimeanza kumvutia Hamdi, japokuwa bado hajafunga wala kutengeneza nafasi ya bao
Hamdi amesema, Ikanga ni mchezaji mwenye kipaji kikubwa na kwa sasa ndio anaingia kwenye kikosi hivyo hana haraka ya kumwona akifanya makubwa
"Ameanza vyema lakini nadhani bado anahitaji kuzoeana na wenzake, lazima wenzake wajue anahitaji pasi za aina gani ili kuisadia timu kupata matokeo mazuri"
"Pia anatakiwa kuingia kwenye mifumo ya timu na azijue falsafa zake, kuhusu kufunga nimemwambia sitaki aweke akilini sana jambo hilo kwani ishu hiyo siyo kazi yake kubwa, mabao yatakuja tu"
"Sitaki afanye vitu kwa presha ya mashabiki, naamini baada ya miezi michache Ikanga atakuja kuwa mchezaji tegemeo kwenye timu na hatari kwenye ligi," Hamdi alinukuliwa na Mwanaspoti
Ikangalombo mbali na kucheza winga zote mbili, kulia na kushoto, pia ana uwezo wa kutumika kama mshambuliaji wa kati
