Kituo kinachofuata ni Songea United

Jumamosi March 29 katika uwanja wa KMC Complex, Yanga itakuwa mwenyeji wa Songea United katika mchezo wa hatua ya 16 bora kombe la CRDB

Ni mechi nyingine ambayo matokeo ya ushindi yatawahakikishia Wananchi kutinga robo fainali ya michuano hiyo ambayo Yanga inacheza ikiwa mabingwa watetezi

Yanga imeweka rekodi ya kushinda mechi 20 mfululizo katika michuano hiyo, ushindi dhidi ya Songea United utaongeza utamu wa rekodi hiyo

Msimu huu Yanga inalisaka taji la nne mfululizo huku ikiwa na rekodi ya kucheza fainali nne mfululizo za michuano hiyo

Kikosi cha kocha Miloud Hamdi kimerejea mazoezini kujiandaa na mchezo huo huku msemaji wa Yanga Ali Kamwe akitamba watashusha full-squad kuikabili Songea United