Wakati Yanga ikiibuka na ushindi wa mabao 3-0 dhidi ya Tabora United jana katika mchezo wa ligi kuu ya NBC uliopigwa uwanja wa Ali Hassan Mwinyi mkoani Tabora, ilikuwa ni siku nyingine kushuhudia shoo za profesa wa mpira Pacome Zouzoua
Zilikuwa dakika 90 bora kwa Pacome ambaye aliondoka na tuzo ya nyota wa mchezo huo ikiwa ni tuzo yake ya pili mfululizo
Pacome ndiye aliyetengeza mabao mawili yaliyofungwa na Prince Dube na Clement Mzize
Pacome sasa ndiye kinara wa pasi za mabao katika kikosi cha Yanga akifikisha asisti 9, bado asisti tatu tu amfikie Feisal Salum wa Azam Fc anayeongoza na asisti 12
Amehusika katika mabao 16 kwani pia amepachika mabao saba
Kama ataendelea na kasi hii katika mechi 6 zilizosalia, haitakuwa ajabu akabeba tuzo ya MVP
ADVERTISE HERE
