Wakati ligi kuu ya NBC ikiwa katika hatua za lala salama, mabingwa watetezi wa ligi hiyo Yanga wameweka rekodi ya aina yake
Ikiwa kileleni mwa msimamo wa ligi ikikusanya alama 67, Yanga imezifunga timu zote 15 zinazoshiriki ligi msimu huu
Juzi Wananchi walilipa kisasi dhidi ya Azam Fc wakipata ushindi wa mabao 2-1 uwanja wa Azam Complex
Lakini pia mapema mwezi huu Yanga ililipa kisasi kingine mkoani Tabora kwa ushindi wa mabao 3-0 dhidi ya Tabora United
Azam Fc na Tabora United ndio timu pekee zilizopata ushindi dhidi ya Yanga kwenye duru la kwanza huku JKT Tanzania wakifanikiwa kupata sare katika mchezo wa duru la pili baada ya kipigo cha mabao 2-0 kwenye mechi ya duru la kwanzaa
Ni mwendelezo wa ubabe wa Wananchi kwenye ligi kuu mkakati ukiwa kutwaa taji la ligi kuu kwa msimu wa nne mfululizo
