Klabu ya Yanga kwa kushirikiana na Safari Lager, leo wamezindua msimu wa pili wa Safari Lager Cup michuano maalum ya kusaka vipaji Tanzania
Mtendaji Mkuu wa Yanga Andre Mtine sambamba na viongozi wengine waandamizi wa Yanga, walishiriki uzinduzi huo uliofanyika, Super Dome Masaki jijini Dar es salaam
Akizungumza katika hafla hiyo, Mtine alisema Yanga inajivunia kuwa sehemu ya chachu ya kuibua vipaji na kukuza soka la Tanzania
"Yanga tupo hapa leo tukijivunia ushirika wetu na Safari Lager Brand, hii ni mara ya pili tumekuwa wamoja, jambo hili limesaidia sana kwenye ukuaji wa soka la Tanzania kwa kuibua vipaji mbalimbali hapa nchini. Tunawashukuru sana Safari Lager kwa kutambua mchango wetu"
"Tunawahakikishia Safari Lager kuwa tutafanya kazi bega kwa bega, tutahakikishia kuwa mashindano hayo yanakuwa kwa kiasi kikubwa na kunufaisha walio wengi, nawakaribisha wadau mbalimbali pamoja na mashabiki kujitokeza kwa wingi siku ya tatehe 26/07/2025 kwenye mchezo wa fainali," alisema Mtine
