Tangu msimu wa ligi kuu 2021/22 Mdhamini/Mfadhili wa Yanga Ghalib Said Mohammed 'GSM' kauli yake ni moja tu, YANGA BINGWA
Ni nadra sana kumuona GSM akihojiwa katika vyombo vya habari na zaidi hata kurasa za mitandao ya kijamii hana. Lakini kila anapolazimika kufanya mahojiano basi, YANGA BINGWA ndio kauli yake
Sasa juzi katika mahojiano maalum na mtangazaji maarufu Salama Jabir, GSM alitoa kauli yake hiyo katika utaratibu tofauti
Akiwa na msimamo wa kujiamini kuhusu mwenendo wa Yanga msimu huu, GSM akasema kuwa akipewa nafasi ya kukutana na Rais wa Jamhuri ya Muungano wa Tanzania, Mhe. Dkt. Samia Suluhu Hassan, licha ya Kumpongeza kwa kazi nzuri ya kuliongoza taifa pia atamwambai Yanga Bingwa
"Nitampongeza Rais kwa kazi nzuri anayofanya, lakini pia nitamwambia Mama, Yanga Bingwa," alisema GSM
Licha ya Salama kumtahadharisha kuwa msimu huu mambo yanaonekana kama magumu, GSM akasisitiza; 'subiri utaona..!'
Yanga inapambana kutetea taji la ligi kuu kwa msimu wa nne mfululizo Wananchi wakisalia na mechi tatu za kutimiza lengo
