Klabu ya Yanga SC inaendelea kuandika historia katika soka la Tanzania, huku ikielekea katika hatua ya nusu fainali ya michuano ya Kombe la Shirikisho (CRDB Cup) kwa msimu wa 2024/2025
Tarehe 18 Mei 2025, Wananchi watashuka dimbani kwenye Uwanja wa Mkwakwani, Tanga, kumenyana na JKT Tanzania katika mchezo unaotarajiwa kuwa mkali na wa kuvutia.
Yanga, mabingwa watetezi wa michuano hii kwa misimu mitatu mfululizo, wanawania kuweka rekodi ya kipekee ya kutwaa taji hili kwa msimu wa nne mfululizo
Hii siyo tu safari ya kutetea ubingwa, bali pia ya kutafuta fainali ya tano mfululizo, jambo ambalo halijawahi kutokea kwenye historia ya CRDB Cup.
Tangu wapoteze fainali dhidi ya Simba SC kwa bao 1-0 katika Uwanja wa Lake Tanganyika mnamo Julai 25 2021, Yanga hawajapoteza mchezo wowote wa michuano hii. Kwa sasa, wameweka rekodi ya ushindi wa mechi 23 mfululizo kwenye CRDB Cup, wakionyesha ubabe na uimara wa kikosi chao katika kila hatua
Kwa upande mwingine, JKT Tanzania wanakabiliwa na mtihani mkubwa wa kuzuia kasi hii ya Yanga. Wananchi hawajaficha dhamira yao – kutinga fainali nyingine na ikiwezekana, kukutana na watani zao wa jadi, Simba SC, katika fainali nyingine ya michuano hiyo
Historia ya Mafanikio ya Yanga SC kwenye CRDB Cup
Hapa chini ni muhtasari wa mafanikio ya Yanga tangu waanze kutawala michuano hiyo:
-
Msimu wa 2021/2022
Yanga waliibuka mabingwa kwa ushindi mnono dhidi ya Coastal Union kwenye fainali. Ushindi wa mikwaju ya penati 4-1 baada ya sare ya mabao 3-3 -
Msimu wa 2022/2023
Wananchi walirudia ubingwa wao kwa kuifunga Azam FC bao 1-0 katika fainali iliyochezwa uwanja wa Sheikh Amri Abeid, Arusha. -
Msimu wa 2023/2024
Fainali ya kusisimua dhidi ya Azam FC dimba la New Amaan Complx, iliwaweka tena Yanga kwenye orodha ya mabingwa. Mechi hiyo ilihitimishwa kwa mikwaju ya penalti 6-5 baada ya suluhu ya bila kufungana ndani ya dakika 120. -
Msimu wa 2024/2025 (inaendelea)
Yanga wapo hatua ya nusu fainali wakisaka rekodi ya kutwaa kombe hili kwa mara ya nne mfululizo na pia fainali ya tano mfululizo. Wameonyesha kiwango bora na kuendeleza rekodi ya kushinda mechi 23 mfululizo kwenye michuano hii tangu Julai 2021
