Hadi sasa, kiungo Khalid Aucho bado hajasaini mkataba mpya na Yanga SC, na mazungumzo ya kuhuisha mkataba wake hayajaanza rasmi.
Aucho anatarajiwa kuwa mchezaji huru mwishoni mwa msimu huu, mkataba wake wa sasa utakapomalizika.
Baada ya kuitumikia Yanga kwa misimu minne, hatma yake itafahamika wazi mara tu msimu huu utakapofikia tamati.
Inaripotiwa kuwa Yanga ina mpango wa kufanya maboresho makubwa katika eneo la kiungo, ikiwa ni pamoja na kusajili kiungo mkabaji mpya mwenye umri mdogo zaidi
Tangu msimu uliopita, Aucho amekumbwa na majeraha ya mara kwa mara yaliyomfanya akose mechi muhimu, jambo linalozua maswali kuhusu nafasi yake ya muda mrefu ndani ya kikosi cha Wananchi
Lakini anapokuwa 'fit', Aucho amejipambanua kuwa mchezaji muhimu, taarifa za ndani zimedokeza kuwa Mganda huyo ameandaliwa ofa ya mwaka mmoja
