Wachezaji watatu wa Yanga waliokuwa katika kikosi cha timu ya Taifa ya Tanzania 'Taifa Stars' wameruhusiwa kurejea nchini kuungana na wenzao katika maandalizi ya mechi za kuhitimisha msimu
Jana Stars ilipimana ubavu na Afrika Kusini katika mchezo uliomalizika kwa suluhu ya bila kufungana. Dickson Job na Ibrahim Bacca walikuwa sehemu ya kikosi kilichoshuka dimbani huku Shekhan Khamis akiwa sehemu ya wachezaji wa akiba
Taarifa imeeleza kuwa wachezaji hao wameruhusiwa kuwahi maandalizi ya mchezo namba 184 wa ligi kuu kati ya Yanga dhidi ya Simba uliopangwa kupigwa Juni 15 katika uwanja wa Benjamin Mkapa
Hata hivyo msimamo wa Yanga uko wazi, hawatacheza mchezo huo kama Bodi ya ligi haitajibu malalamiko waliyowasilisha kwa Bodi hiyo March 09
Bodi hiyo pia imetakiwa kuweka hadharani majibu ya uchunguzi waliofanya ili kubainisha sababu zilizopelekea wahirishe mchezo huo uliopaswa kupigwa March 08
Kwa sasa kikosi cha Yanga kinajiandaa na mechi mbili za kumaliza msimu dhidi ya Tanzania Prisons na Dodoma Jiji pamoja na mchezo wa fainali kombe la CRDB dhidi ya Singida BS utakaopigwa Juni 28 visiwani Zanzibar
