Kiungo mkongwe Jonas Mkude na Aziz Andabwile wamemaliza mikataba yao kunako klabu ya Yanga huku mabingwa hao wa kihistoria wakiwa hawajafanya mazungumzo nao kuwaongezea mikataba
Mkude aliyeitumikia Yanga kwa misimu miwili akitokea klabu ya Simba, amekuwa na nafasi finyu katika kikosi cha kwanza
Andabwile alitua Yanga kwa mkopo wa msimu mzima akitokea klabu ya Singida Fountain Gate (sasa Fountain Gate) na huenda akarejea kunako klabu hiyo
Katika kuimarisha eneo hilo la kiungo wa ukabaji, Yanga inatajwa kukamilisha usajili wa AbdulNassir Mohamed (20) kutoka timu ya Mlandege ya Zanzibar
Pia Wananchi wamemsajili mchezaji mwingine kiraka kinda Aboubakar Nidhar Othman 'Ninju' (17) aliyekuwa anakipiga kwa mkopo katika klabu ya JKU ya Zanzibar akitokea timu ya vijana ya Azam FC
Ni wazi usajili wa vijana hao unalenga mipango ya muda mrefu ya Yanga
