Baada ya majadiliano ya wiki kadhaa, hatimaye kiungo Khalid Aucho amekubali kuongeza mkataba wa mwaka mmoja kuendelea kuitumikia Yanga, imefahamika
Aucho ni mmoja wa wachezaji tegemeo katika kikosi cha Yanga, katika sehemu ya mkakati wa kuendelea kufanya vyema, Mganda huyo ni sehemu ya mipango ya Yanga kuelekea msimu ujao
Licha ya maboresho ambayo Yanga imekusudia kufanya katika dirisha hili la usajili, lakini mkakati namba moja ni kuhakikisha wachezaji wote muhimu waliomaliza mikataba wanasalia
Aucho, Dickson Job, Mudathir Yahya, Pacome Zouzoua, Duke Abuya na Maxi Nzengeli ni miongoni mwa wachezaji ambao mikataba yao imemalizika na Yanga imefanya jitihada za kuwabakisha kikosini
Aucho ameitumikia Yanga kwa misimu minne, akishinda mataji manne ya ligi kuu, mataji manne ya kombe la FA, mataji matatu ya Ngao ya Jamii na kuwa sehemu ya kikosi kilichocheza fainali ya kombe la Shirikisho (CAF CC) na robo fainali ya ligi ya mabingwa (CAF CL)
