Yanga inatajwa kuwa katika hatua za mwisho kukamilisha usajili wa kiungo mkabaji Balla Moussa Conte raia wa Guinea aliyekuwa akiitumikia klabu ya CS Sfaxien ya Tunisia
Taarifa kutoka vyanzo vya uhakika, imebainisha kuwa Conte ambaye bado ana mkataba wa mwaka mmoja na Sfaxien, tayari ana makubaliano binafsi na Yanga huku mabingwa hao wa kihistoria wakifikia makubaliano na Sfaxien juu ya mauziano ya mchezaji huyo
Jana Meneja wa Habari na Mawasiliano wa Yanga Ali Kamwe wakati anazungumza na wanahabari, alidokeza juu tukio la 'kupora' mchezaji ambaye alikuwa tayari ana makubaliano ya kusajiliwa na klabu moja kubwa nchini
Kamwe alibainisha kuwa Yanga 'ilipita' na mchezaji huyo baada ya kubaini timu aliyokuwa amekubaliana nayo haikuwa imemuingizia pesa kwenye akaunti
Conte alihusishwa na Simba tangu usajili wa dirisha dogo, alikuwa sehemu ya kikosi cha Sfaxien kilichocheza dhidi ya Simba katika mechi za kombe la Shirikisho msimu uliopita
Simba ilikuwa tayari imefikia makubaliano ya kumsajili kiungo huyo, lakini kuchelewa kwa mchakato wa malipo yake kukaipa nafasi Yanga 'kupita nae'
