Ninju atambulishwa Yanga

Klabu ya Yanga imetambulisha usajili wa beki kiraka, kinda Abubakar Nizar 'Ninju' kutoka klabu ya JKU ya Zanzibar

Baada ya kuonyesha kiwango kizuri katika michuano ya kombe la Muungano mapema mwaka huu ambayo Yanga iliibuka mabingwa kwa kuichapa JKU bao 1-0 katika mchezo wa fainali, Ninju aliwavutia mabosi Yanga (Rais na Makamu) ambao walikuwa uwanjani

Hatua za kukamilisha usajili wa kinda huyo ambaye alikuwa akicheza kwa mkopo JKU akitokea Azam Fc zikaanza mara moja

Hatimaye leo Yanga imethibitisha kumsajili beki huyo kiraka ambaye anaweza kucheza eneo lote la safu ya ulinzi na pia kumudu majukumu ya kiungo mkabaji

Karibu Jangwani Ninju....!