Yanga inaendelea na zoezi la utambulisho wa benchi la ufundi lililofanyiwa maboresho baada ya ujio wa Kocha Mkuu Romain Folz
Mabingwa hao wa Tanzania Bara kwa misimu minne mfululizo wamemtangaza Manu Rodriguez raia wa Hispania kuwa Kocha Msaidizi
Rodriguez amefanya kazi katika mataifa mbalimbali barani Ulaya na Afrika ambapo alikutana na Folz kwa mara ya kwanza mwaka 2021 wakiinoa klabu ya Ashanti Gold ya Ghana
Amejiunga na Yanga akitokea Costa Rica ambako alikuwa kocha Mkuu akihusika na timu zote kuanzia ngazi za vijana kuanzi U17, U20 na U23
Kama ilivyo kwa Folz, mwaka 2022 hadi 2024 Rodriguez alifanya kazi na FIFA akiwa mtaalam wa maendeleo katika kukuza vipaji
Anaungana tena na Folz katika klabu ya Yanga kuendeleza rekodi ya kushinda mataji, wawili hao wakipewa jukumu la kuhakikisha Yanga inafanya vizuri katika michuano ya ligi ya mabingwa barani Afrika msimu ujao
