Utambulisho wa Mohamed Doumbia jana umehitimisha nyota wa kigeni waliosajiliwa na Yanga katika dirisha hili la usajili
Yanga imeongeza wachezaji watano wa kigeni ambao ni Moussa Balla Conte, Andy Boyeli, Lassine Kouma, Ecua Celestin na Doumbia
Kwa upande wa wachezaji wa ndani waliotambulishwa mpaka sasa ni Offen Chikola, Aboubakar Nidhar Othman 'Ninju' na Mohamed Abdallah 'Casemiro'
Bado Yanga haijamaliza kutambulisha ambapo inaweza ikafunga dirisha hili kwa utambulisho wa beki wa kushoto, Mohamed Hussein 'Zimbwe Jr' aliyekuwa nahodha wa Simba
Yanga ilishakamilisha usajili wa Zimbwe Jr ambaye juzi aling'ara katika mchezo wa ufunguzi wa michuano ya CHAN akiitumikia timu ya Taifa ya Tanzania 'Taifa Stars' dhidi ya Burkina Faso akifunga bao katika ushindi wa mabao 2-0
Katika dirisha hili Yanga imefunga hesabu zake ikiwa imeongeza wachezaji tisa kikosini
Wachezaji walioondoka ni Kennedy Musonda, Clatous Chama, Stephane Aziz Ki, Khalid Aucho na Jonathan Ikangalombo ambaye yuko kwenye majadiliano ya uongozi wa Yanga ili atolewe kwa mkopo au mkataba wake uvunjwe
Upande wa wachezaji wa ndani Yanga ikithibitisha kuondoka kwa Jonas Mkude anayetajwa kujiunga na klabu ya Singida Black Stars
