Kuelekea uzinduzi wa jezi za klabu ya Yanga 2025/26, Meneja wa Habari na Mawasiliano wa Yanga Ali Kamwe amesema baada ya uzinduzi utakaofanyika saa 6 mchana, jezi zitapatikana Makao Makuu ya klabu, Jangwani na maduka ya GSM
Kamwe ametangaza kauli mbiu maalum kuelekea tukio hilo ni TUNAZINDUA TUNAUZA. Amesema wameandaa utaratibu tofauti wa kutambulisha jezi akiwataka mashabiki kukaa karibu na kurasa rasmi za Yanga mitandao ya kijamii kujionea
"Dhumuni kubwa la kukutana nanyi ndugu wanahabari ni kuwajuza wanachama wa Yanga wote Duniani kwamba Kesho tunakwenda kuzindua Jezi zetu za ligi msimu wa 2025/26, Uzinduzi huu utafanyika kesho saa 6 mchana. Uzinduzi huu utaambatana na Kuuza jezi hizi na ndiyo maana tumekuja na Kauli ya TUNAZINDUA TUNAUZA"
"Tutakuwa na namna ya kipekee ya kuzindua mtoko wetu, hii ni namna ambayo itawashangaza, itawafurahisha na itawafikirisha kwenye kile sisi tunachokiwaza kuhusu biashara. Hivyo kaeni karibu na mitandao ya Yanga SC ili mjionee wenyewe"
“Mambo ya jezi sisi Yanga tulishavuka huko, tulishaweka Standard yetu na hivi sasa tupo kwenye mtoko wa kimataifa, daraja letu lilikuwa juu na sasa tuko juu zaidi kwenye kutengeneza mtoko mkubwa wa kimataifa, tunawaza sasa mtu akifikiria kuoa basi avae mtoko huu, mtu akiwaza kwenda Out aanze na mtoko huu,” alisema Kamwe
