Ni saa chache zimesalia kuelekea mchezo wa mkondo wa kwanza hatua ya awali ligi ya mabingwa barani Afrika ambapo Wananchi (Yanga) wako Angola kumenyana na Wiliete S.c
Hii itakuwa mara ya tatu Yanga kucheza dhidi ya timu kutoka Angola katika mashindano ya CAF kwani pia imewahi kucheza dhidi ya Petro Atletico (CAF CL) na Sagrada Esperanca (CAF CC)
Katika michuano hiyo, Yanga imekuwa na rekodi nzuri dhidi ya timu za Angola kwani imezitoa mara mbili. Mwaka 2007 dhidi ya Petro De Luanda kwenye Ligi ya Mabingwa Afrika hatua ya awali Yanga iliiondosha Petro Atletico kwa ushindi wa jumla wa mabao 3-2
Mchezo wa kwanza ugenini, Yanga ilipoteza kwa mabao 2-0, lakini nyumbani ikashinda 3-0. Ikasonga mbele kwa matokeo ya jumla 3-2.
Baada ya hapo, mwaka 2016 Yanga ikacheza dhidi ya Sagrada Esperanca katika Kombe la Shirikisho Afrika hatua ya awali. Mchezo wa kwanza nyumbani Yanga ilishinda kwa mabao 2-0, ugenini ikapoteza kwa bao 1-0 lakini ikavuka kwa matokeo ya jumla 2-1.
Leo Wananchi wanawania rekodi nyingine dhidi ya timu kutoka Angola, Wiliete wakianzia mechi ya kwanza ugenini na kazi wataimaliza uwanja wa Benjamin Mkapa Septemba 27
