Timu ya Taifa ya Tanzania 'Taifa Stars' leo inahitimisha kampeni ya kusaka tiketi ya kufuzu fainali za kombe la Dunia 2026 dhidi ya Zambia
Mchezo huo utapigwa katika uwanja wa New Amaan Complex saa 4 usiku
Tayari Tanzania ilishapoteza matumaini ya kusonga raundi inayofuata kupitia 'best looser' baada ya kulazimishwa sare ya bao 1-1 katika mchezo uliopita dhidi ya Congo Brazzavile
Ikiwa na alama 10 kwenye nafasi ya pili kundi E nyuma ya vinara Morocco ambao tayari wamefuzu, mechi ya leo ni kama ya kukamilisha ratiba tu kwa Tanzania
Lakini ina umuhimu katika kuboresha nafasi kwenye viwango vya FIFA mbele ya Zambia ambayo itataka kulipa kisasi cha kipigo cha bao 1-0 walichopokea dhidi ya Tanzania katika mechi ya kwanza iiliyopigwa Zambia
Nyota waliowahi kutamba na klabu ya Yanga mshambuliaji Kennedy Musonda na kiungo Clatous Chama ni sehemu ya kikosi cha Zambia kilichotua nchini kwa ajili ya mchezo huo
