Yanga Princess yapoteza kwa mikwaju ya penati baada ya sare dhidi ya JKT Queens

JKT Queens imetinga fainali ya Ngao ya Jamii wakiibuka na ushindi wa mikwaju ya penati 6-5 baada ya matokeo ya sare ya bao 1-1 dhidi ya Yanga Princess

Winfrida Gerald aliitanguliza JKT Queens kabla ya Jennine Mukandayisenga kusawazisha kwa Yanga Princess dakika chache kabla ya mapumziko

Licha ya kupoteza mchezo huo, Yanga Princess imeonyesha kuimarika na kuwa tayari kwa ushindani msimu huu

Vijana wa kocha Edna Lema walikuwa bora zaidi lakini kilichokosekana kwao ni utulivu katika kutumia nafasi

Ni wazi Yanga Princess iko tayari kuwania ubingwa msimu huu, tayari kuchuana na washindani wake JKT Queens na Simba Queens ambao wametawala soka la Wanawake kwa misimu kadhaa sasa