Uongozi wa klabu ya Yanga uliahidi katika kipindi cha siku tatu watamtangaza kocha mpya anayechukua mikoba iliyoachwa na Romain Folz aliyefutwa kazi wiki iliyopita
Meneja wa Habari na Mawasiliano wa Yanga Ali Kamwe amedokeza kuwa tayari mchakato wa kumpata kocha mpya umekamilika na pengine leo atashuhudia mchezo dhidi ya Silver Strikers uwanja wa Benjamin Mkapa
Tetesi zinamtaja kocha Mreno Pedro Valdemar Soares Goncalves mwenye umri wa miaka 49
Goncalves amewahi kuinoa timu ya Taifa ya Angola, huku pia akiifundisha Sporting Lisbon ya Ureno na De Agosto ya Angola
Aidha Yanga pia inatajwa kumuajiri kocha wa zamani wa Ekenas ya Finland Filipe Duarte da Silva Pedro kuwa kocha msaidizi wa timu hiyo akiungana na Patrick Mabedi ambaye huenda akabadilishiwa majukumu katika benchi la ufundi
