Kiungo wa Yanga Aziz Andabwile amekanusha taarifa zilizoripotiwa na chombo kimoja cha habari na kupewa uzito mitandaoni kuwa anaidai klabu ya Yanga fedha za usajili.
Andabwile amesema madai hayo sio kweli, alishalipwa stahiki zake huku akiwaomba radhi wanachama na mashabiki waliopata usumbufu kutokana na 'uzushi' huo
"Habari Wananchi. Nipende kuchukua nafasi hii kuliweka sawa jambo linaloendelea mtandaoni kuhusu mimi na Klabu yangu ya Yanga.
Mimi ni mchezaji wa Young Africans Sports Club na haki zangu za kimkataba tayari nilishalipwa.
Niwaombe ndugu waandishi wa Habari kuwa na vyanzo sahihi vya taarifa ili kutoleta taharuki kwa wachezaji kwenye Timu zao
Mwisho, niwaombe radhi wote ambao wamekwazika na sintofahamu iliyojitokeza," aliandika Andabwile kwenye ukurasa wake wa mtandao wa kijamii"
