Nahodha Msaidizi wa Yanga Dickson Job amesema uwanja wa New Amaan Complex hauna ugeni kwao kwani wamecheza mechi kadhaa za mashindano katika uwanja huo na hivyo wako tayari kukabiliana na AS FAR katika mchezo wa kwanza wa hatua ya makundi CAFCL katika uwanja huo.
Job amesema maandalizi ya mchezo huo yamekamilika huku akiwataka mashabiki kujitokeza kwa wingi dimba Amaan ili kuwaongezea hamasa.
"Kwa niaba ya Wachezaji wenzangu tumejipanga vyema sana. Tupo tayari kukabiliana na kila mpinzani ambaye anakuja mbele yetu. Tuna imani na matarajio makubwa kuhakikisha kuwa tunapata alama tatu muhimu kesho."
"Tumekuwa na mechi kadhaa za Kimataifa ambazo tumecheza katika Uwanja huu wa Amaan. Wana Yanga wamejaa kila kona ya nchi yetu kila tunapoenda lazima tupate hamasa ya kutosha kwa mashabiki na tuna imani kwa hamasa yao kesho itatusaidia kufanya vizuri uwanjani," alisema Job
Yanga leo inatarajiwa kukamilisha maandalizi yake ya mwisho katika dimba la Amaan tayari kwa mtangange dhidi ya AS FAR utakaopigwa kesho Jumamosi, saa 10 jioni katika uwanja huo
