Baada ya kurejea kutoka Zanzibar jana, nyota wa Yanga walipewa mapumziko na leo wanatarajiwa kuaianza safari ya kuelekea Algeria.
Ijumaa ya wiki hii Novemba 28, Yanga itashuka dimba la July 05 kuikabili JS Kabylie katika mchezo wa raundi ya pili hatua ya makundi CAFCL.
Wananchi wanakwenda Algeria wakiwa na dhamira moja tu, kusaka ushindi dhidi ya Kabylie au hata matokeo ya sare ugenini.
Kabylie walipoteza mchezo wa kwanza dhidi ya Al Ahly kwa kufungwa mabao 4-1 wakati Yanga wakiichapa AS FAR bao 1-0.
Kwenye msimamo Wananchi wako nafasi ya pili nyuma ya Al Ahly, ushindi au hata sare itawahakikishia kusalia kwenye nafasi mbili za juu wakati michuano hiyo ikisimama kwa takribani miezi miwili ambapo mechi za raundi ya tatu zitapigwa mwishoni mwa Januari 2026
