Baada ya kukamilika mechi za raundi ya pili kundi B ligi ya mabingwa barani Afrika (CAFCL), hakuna mabadiliko kwenye nafasi mbili za juu.
Ikicheza ugenini huko Algeria, Yanga ilipata alama moja muhimu baada ya suluhu ya bila kufungana dhidi ya JS Kabylie.
Matokeo hayo yameifanya Yanga isalie katika nafasi ya pili wakifikisha alama nne kama ilivyo kwa Al Ahly ambayo jana ililazimishwa sare ya bao 1-1 dhidi ya AS FAR huko Morocco.
Al Ahly wanaendelea kusalia kileleni na alama zao nne wakiwa na faida ya uwiano wa mabao matatu (gd) huku Yanga ikiwa na moja.
Yanga ndio timu pekee kundi ambayo haijaruhusu nyavu zao kutikiswa baada ya mechi mbili. Al Ahly wameruhusu mabao mawili kama ilivyo kwa AS FAR huku JSK ikiruhusu mabao manne.
Mechi za raundi ya tatu zinatarajiwa kuendelea mwishoni mwa Januari 2026 Yanga ikisafiri Misri kuikabili Al Ahly na timu hizo kurudiana visiwani Zanzibar wiki moja baadae.
AS FAR yenye alama moja kama ilivyo kwa JS Kabylie, nazo zitachuana katika mechi mbili zinazofuata.
