Jana Yanga ilipata alama moja muhimu ugenini Algeria baada ya suluhu ya bila kufungana dhidi ya JS Kabylie katika mchezo ambao nyota wa Yanga walionyesha nidhamu kubwa hasa katika ulinzi.
Lakini unaweza kusema mlinda lango Djigui Diarra anastahili pongezi za kipekee baada ya kazi nzuri kwenye mchezo huo.
Ziko nyakati ambazo Yanga ilihitaji uhodari wa Diarra kubaki mchezoni akiondoa takribani michomo minne ya hatari.
Baada ya mashabiki wa JSK kuona Diarra ni kikwazo kwa timu yao, walifanya matukio yasiyo ya kiungwana wakimtupia makopo ya maji golini na kupelekea mchezo kusimama kwa dakika chache.
Diarra amekuwa nguzo ya mafanikio ya Yanga mpaka sasa msimu huu, anaifanya vyema kazi yake mbele ya milingoti miwili.
Ni mchezaji kiongozi anayecheza kwa mfano, huyu Diarra ni Mwananchi kwelikweli...!
