Kocha Mkuu wa Yanga Princess Edna Lema ameanza mapema kufanya maboresho ya kikosi chake kuelekea kufunguliwa kwa dirisha dogo la usajili siku chache zijazo.
Msimu huu Yanga Princess imekataa unyonge kwani Lema analitaka taji la ligi kuu ya Wanawake kwa mara ya kwanza.
Tayari Wananchi wamemalizana na aliyekuwa kiungo mshambuliaji wa Simba Queens Asha Djaffar raia wa Burundi.
Djafar aling'ara na kikosi cha Simba Queens kwa misimu kadhaa, anasubiri kuanza kuwatumikia Wananchi utambulisho wake umefanyika leo.
Yanga Princess itashuka dimbani kesho Ijumaa kuikabili Tausi katika mwendelezo wa ligi kuu ya Wanawake.
Djaffar huenda akaanza kuonekana kikosini baada ya usajili wake kukamilika pale dirisha dogo litakapofunguliwa Disemba 16.
ADVERTISE HERE
