Baada ya mapumziko ya sikukuu ya Christmas, michuano ya Afcon 2025 inaendelea leo ambapo mchezo wa mapema saa 9:30 alasiri Zimbabwe itachuana na Angola.
Mshambuliaji wa Yanga Prince Dube ambaye alifunga bao pekee la Zimbabwe katika mchezo uliopita waliopoteza kwa kufungwa mabao 2-1 na Afrika Kusini, atakuwa na jukumu la kuibeba Zimbabwe katika mchezo mwingine muhimu.
Nyota mwingine wa Yanga Djigui Diarra yeye atakuwa na mtihani mgumu zaidi pale timu yake ya Mali itakapokabiliana na wenyeji Morocco katika mchezo utakaopigwa saa 5 usiku.
Mali walilazimishwa sare ya bao 1-1 dhidi ya Zambia katika mchezo uliopita.
Kesho Jumamosi timu ya Taifa ya Tanzania 'Taifa Stars' itashuka dimbani kumenyana na Uganda, mastaa wengine wa Yanga Ibrahim Bacca, Bakari Mwamnyeto, Dickson Job na Mohammed Hussein wakitarajiwa kushuka dimbani.
Baada ya kupoteza mchezo uliopita dhidi ya Nigeria, mchezo dhidi ya Uganda ni lazima kwa Tanzania kushinda ili kuweka hai matumaini ya kutinga hatua ya mtoano.
