Depu kushuhudia Yanga vs Singida BS Zanzibar leo

Mshambuliaji wa kimataifa wa Angola, Laurindo Aurelio 'Depú' ambaye anasubiri kutambulishwa rasmi na Yanga, tayari ametua nchini.

Depu anayejiunga na Yanga akitokea klabu ya Radomiak Radom ya Poland, anatarajiwa kutua visiwani Zanzibar leo.

Nyota huyo anatarajiwa kushuhudia mchezo wa nusu fainali kombe la Mapinduzi kati ya Yanga dhidi ya Singida BS ambao utapigwa saa 2 usiku katika uwanja wa New Amaan Complex.

Kama Yanga itatinga fainali, huenda Depu akapata nafasi kuonekana kwa mara ya kwanza akiitumikia Yanga katika mchezo wa fainali dhidi ya Azam Fc.

Depu pia atajumuishwa kwenye kikosi cha Yanga kinachoshiriki michuano ya ligi ya mabingwa barani Afrika (CAFCL)