Nyota wawili wa Yanga kiungo Mohamed Doumbia na winga Ecua Celestin hawajajumuishwa katika kikosi kilichoondoka Alfajiri ya leo kuelekea Misri kwa ajili ya mchezo wa ligi ya mabingwa dhidi ya Al Ahly ambao utapigwa siku ya Ijumaa.
Yanga iko kwenye mchakato wa kuwatoa wachezaji hao kwa mkopo na hivyo tayari wameondolewa kwenye mipango ya kocha Pedro Goncalves.
Mpango wa awali wa kuwapeleka Singida BS ni kama umekuwa mgumu kwa upande wa wachezaji. Taarifa za ndani zimedokeza kuwa klabu ya Sekhukhune United ya Afrika Kusini imeonyesha nia ya kuwasajili nyota hao.
Kama mpango huo utakamilika basi wataungana na mshambuliaji Andy Boyeli ambaye amerejea timu hiyo baada ya mkataba wake wa mkopo kusitishwa.
Boyeli, Ecua na Doumbia wamewapisha Allan Okello, Depu na Yao Kouassi kwenye kikosi.
Baada ya kung'ara kwenye michuano ya kombe la Mapinduzi, kiungo Moussa Balla Conte amenusurika na mpango wa kutolewa kwa mkopo.
