Baada ya kuhitimisha kampeni ya michuano ya ligi ya mabingwa 2025/26, kikosi cha Yanga kesho Jumatano kinarejea katika mikiki mikiki ya mashindano ya ndani.
Wananchi watashuka uwanja wa KMC Complex kuikabili Cosmopolitan katika mchezo wa hatua ya 64 bora.
Yanga ndio mabingwa watetezi wa michuano hiyo na wanakwenda kulisaka taji la tano mfululizo.
Ratiba ya bandika bandua ya mashindano ya ndani itaendelea kwani baada ya mchezo huo wananchi wataelekea mkoani Lindi kuikabili Namungo Fc katika mchezo wa ligi kuu utakaopigwa Februari 22 kisha kurejea Dar kuikabili JKT Tanzania Februari 25.
Baada ya mechi hizo Wananchi wataelekea Zanzibar tayari kwa mchezo dabi ya Kariakoo dhidi ya Simba utakaopigwa March 1 2026 katika uwanja wa New Amaan Complex.
Huu ni msimu mwingine kwa Yanga kurejesha mataji yote ya ndani pale Jangwani.
