Dube aitwa timu ya Taifa Zimbabwe kushiriki mashindano maalum

Mshambuliaji wa Yanga Prince Dube, amejumuishwa kwenye kikosi cha timu ya taifa ya Zimbabwe kwa ajili ya mashindano mafupi ya timu nne za taifa.

Mashindano hayo yatafanyika kuanzia Machi 23–31 nchini Botswana. Mataifa yatakazoshiriki mashindano hayo ni wenyeji Botswana, Zambia, Malawi na Zimbabwe.

Dube amekuwa katika kiwango bora wiki za karibuni akiwa pia amejihakikishia nafasi yake kwenye timu ya Taifa.

Alikuwa sehemu ya kikosi kilichoshiriki michuano ya Afcon 2025 nchini Morocco akifanikiwa kufunga bao moja katika michuano hiyo.