Leo Wananchi wanaelekea mkoani Mwanza tayari kwa mchezo wa ligi kuu dhidi ya Pamba Jiji ambao utapigwa Jumatano, April 08 katika uwanja wa CCM Kirumba.
Meneja wa Habari na Mawasiliano wa Yanga Ali Kamwe amesema kikosi kitaondoka jijini Dar es salaam leo saa 3 usiku.
Kamwe amewataka mashabiki wa Yanga kujitokeza kwa wingi kwenye mapokezi ya kikosi chao uwanja wa ndege Mwanza na kuhakikisha siku ya Jumatano wanajitokeza kwa wingi kuishangilia timu yao katika mchezo dhidi ya Pamba Jiji.
Kamwe amesema wanatarajia mchezo huo utakuwa mgumu lakini hakuna njia ya mkato ni lazima kushinda kila mechi ili kujihakikishia ubingwa.
Kupitia ukurasa wake wa mtandao wa kijamii, Kamwe ameandika ujumbe huu;
"Chama Letu Young Africans Sports Club litaondoka Dar Es Salaaam saa 3 Usiku leo kulekea Mwanza, kwa ajili ya game dhidi ya Pamba Jiji itakayopigwa CCM Kirumba April 9.
Tumepata Faida tena ya kuwa na POINTI 3 juu ya kilele pale Juu. Tusirudie makosa tena Wanangu.
Huu Ubingwa Msimu huu unahitaji roho ngumu na mapambano makali ndani na nje ya uwanja. Tuje vitani sasa. Tutoke majumbani, Tuache Uchambuzi kwenye simu zetu, Tutoke mstari wa mbele kuisapoti Timu yetu kila mechi
Mechi ya Pamba Jiji ni ngumu sana Lakini Tukiweka nguvu ya pamoja na wachezaji wetu wakatuona kwa wingi kuanzia mapokezi Leo usiku na wakatuona tena kwa wingi uwanjani siku ya mechi, Sina shaka watatupigania sana tupate pointi 3.
Daima Mbele Nyuma mwiko..
Ni muda wa kuonyesha Ukubwa na Mapenzi yetu kwa chama Letu"
