Uongozi wa klabu ya Azam Fc unatajwa kufungua mazungumzo na aliyekuwa kocha wa Yanga, Pedro Goncalves ili kupata huduma yake kuelekea msimu ujao, imefahamika.
Azam Fc wanasaka mbadala wa Florent Ibenge ambaye inaelezwa tayari amefikia makubaliano ya Shirkisho la soka la Mali kwenda kuinoa timu ya Taifa.
Tangu afutwe kazi Yanga, Goncalves hana timu, hivyo upo uwezekano mkubwa akaungana na wana rambaramba hao.
Yanga iliachana na Goncalves mapema mwezi huu baada ya mchezo dhidi ya KMC ambao Wananchi waliibuka na ushindi wa bao 1-0.
Licha ya kutopoteza mchezo wowote wa ligi katika kipindi chote alichoinoa Yanga, Goncalves alipewa mkono wa kwaheri kwa kile kilichoelezwa mbinu zake hazikuendana na falsafa ya soka la Yanga.
ADVERTISE HERE
