Kocha wa zamani wa Yanga Cedric Kaze ataendelea kusalia Afrika Kusini baada ya kusaini mkataba wa mwaka mmoja kuinoa klabu ya Sekhukhune United inayoshiriki ligi kuu nchini humo.
Kaze aliiongoza klabu ya Kaizer Chiefs msimu uliopita akishirikiana na Khalil Ben Youssef.
Wawili hao walichukua majukumu yaliyoachwa na Nasreddine Nabi ambaye ndiye aliyekuwa kocha mkuu wa Chiefs lakini alilazimika kuachia ngazi kutokana na matatizo ya kifamilia.
Kaze na Ben Youssef walipata mafanikio makubwa wakati wakiwa Yanga chini ya Nabi wakiiwezesha Yanga kushinda mataji yote ya ndani 2022/23 na kucheza fainali ya kombe la Shirikisho la CAF (CAF CC).
Msimu uliopita, Kaze na Ben Youssef waliiwezesha Chiefs kumaliza nafasi ya tatu kwenye ligi ya Afrika Kusini na kukata tiketi ya kushiriki michuano ya ligi ya mabingwa msimu ujao.
Hata hivyo haikutosha kuwashawishi mabosi wa timu hiyo kuwaongezea mkataba baada ya mikataba yao ya awali kumalizika
