Kamati ya uchaguzi Yanga hadharani

Kamati ya utendaji ya klabu ya Yanga imewateua Wajumbe watano watakaoukuwa na jukumu la kusimamia mchakato wa uchaguzi wa Yanga.

Kamati hiyo ya uchaguzi itaongozwa na Adv. Malangwe Mchungahela kama Mwenyekiti na Adv. Samwel Mangesho kuwa Makamu Mwenyekiti.

Katika hatua nyingine, Mwenyekiti wa Kamati hiyo Adv. Mchungahela ametangaza rasmi kuanza kwa taratibu uchaguzi ngazi ya Matawi kuanzia Juni 13 mpaka Juni 26.

Nafasi zinazowaniwa kwenye Matawi ni Mwenyekiti, Katibu Mkuu, Mweka Hazina na Wajumbe wawili wa Mkutano Mkuu mmoja akiwa ni Mwanamke.

Baada ya kukamilika kwa michakato ya Matawi, tarehe rasmi ya uchaguzi mkuu wa Yanga itatangazwa.