Mkutano Mkuu Yanga ni August 02

Rais wa Yanga Injinia Hersi Said ametangaza kuwa Mkutano Mkuu wa kawaida wa Wanachama wa Yanga utafanyika Jumapili, August 02 2026.

Miongoni mwa ajenda zitakazojiri kwenye mkutano huo ni uchaguzi mkuu wa klabu kama ilivyoanishwa kwenye taarifa iliyotolewa kwa UMMA.

TAARIFA KWA UMMA

Rais wa Young Africans Sports Club anapenda kuwatangazia wajumbe wote wa Mkutano Mkuu ya kuwa, kutakua na Mkutano Mkuu wa kawaida utakaofanyika siku ya Jumapili tarehe 02/08/2026 kuanzia saa nne (04:00) kamili asubuhi. Hii ni kwa mujibu wa ibara ya 20 ya Katiba ya Young Africans Sports Club ya mwaka 2021.

Mkutano huo utafanyika kwenye ukumbi wa Super Dome uliopo Masaki jijini Dar es Salaam.

Ajenda za Mkutano huo zitakuwa kama ifuatavyo:

1. Kufungua Mkutano

2. Uhakiki wa wajumbe wanaohudhuria mkutano.

3. Kuthibitishe Ajenda.

4. Kuthibitisha kumbukumbu za mkutano uliopita.

5. Yatokanayo na kumbukumbu za mkutano uliopita.

6. Hotuba ya Rais.

7. Kupokea na kujadili taarifa za kazi kutoka Kamati ya Utendaji.

8. Kuthibitisha hesabu za fedha zilizokaguliwa za mwaka uliotangulia, pamoja na kusomewa mapato na matumizi ya Klabu.

9. Kuthibitisha bajeti kwa mwaka unaofata.

10. Kupitia mapendekezo ya uwekezaji.

11. Kupitia Mapendekezo ya marekebisho ya Katiba.

12. Uchaguzi Mkuu wa Klabu

13. Mengineyo

14. Kufunga Mkutano